Nutritious red soup/Fasting Special

                      

साहित्य  :-      

1.  भगर  2  स्पून                                   
2.  मध्यम आकाराचे  बीट     1                
3.  मध्यम आकाराचे गाजर     1 ,                 
4.  बटाटा छोटा    1                
5.  हिरवी मिरची    1  ,                                     
6.   लिंबू        1 ,
7. कलमी छोटा तुकडा ,
8. जिरे  1/2     टीस्पून ,             
9.  जिरे पावडर    1/4 टीस्पून ,
10. मिरेपूड  1/4 टीस्पून ,
11. सेंधा नमक / रॉक सॉल्ट  चवीनुसार ,
12. शुद्ध  गाईचे   तूप  1 टीस्पून  आणि  पाणी  4 कप ,        

   कृती  :- 

     1)   सर्वप्रथम  बीट , गाजर  , बटाटा  यांचे साल काढून घ्या. स्वच्छ धुऊन घ्या .प्रत्येकी चार फोडी करा

    2)  भगर  पण स्वच्छ धुऊन घ्या . चिरलेला बीट , गाजर  , बटाटा , हिरवी मिरची , कलमी , 

        भगर  कुकर मध्ये  टाका ,त्यामध्ये   4  कप पाणी  घाला व कुकर बंद करून 

        गॅस वर  ठेवा आणि चार शिट्टी  होऊ द्या .

   3)  थंड झाले की मिक्सर मध्ये बारीक करा .

  4)  एक  पातेले  गॅसवर ठेवा त्यामध्ये तूप घाला  .गरम झाले  की त्यात  जिरे  टाका .

 5)  त्यानंतर त्यात मिक्सर मधले सर्व मिश्रण घाला . छान पैकी जर सूप थोडं पातळ 

     हव असेल तर  थोडे  पाणी  घालू  शकता किंवा  थोडं घट्ट  हव  असेल  तर तसेच 

     राहू द्या  छान उकळी आली की गॅस बंद करा .  चवीपुरते मीठ घाला

 6)  एका वाटीमध्ये सूप काढा वरून लिंबू पिळा , मिरेपूड , जिरे  पावडर   टाका . 

     खातांना थोडं कुरकुरीत वाटण्यासाठी तुम्ही भाजलेले  शेंगदाणे  वरून टाकू शकता .

 उपवासासाठी अतिशय  पौष्टिक आणि चवदार सूप तयार आहे . 

 तसेच  साबुदाण्या पेक्षा अत्यंत पचनास सोपे आहे .

 हे वेट लॉस आणि वेट मॅनेजमेंट दोन्ही साठी  खूप  मदत करते  .

 

भगरीचे फायदे

1. भगरीमध्ये प्रथिने चे प्रमाण भरपूर असते.
2. तांदूळ, गहू, ज्वारी या धान्यापेक्षा भगरीत कॅलरी कमी असतात.
3. कॅलरी कमी असल्यामुळे वजन आटोक्यात ठेवण्यासाठी सुद्धा भगर उपयुक्त ठरते.
4. जास्त प्रमाणात प्रोटीन असल्यामुळे थोडीशी भगर खाऊन सुद्धा शरीरात शक्ती येते.